"Hyrja ne Kuvend, i ben protestat me efikase"

Deputeti socialist Arben Malaj vijon ne kembenguljen se te 65 deputetet socialiste, duhet te marrin pjese ne seanca plenare dhe aktivitetet e tjera te Kuvendit. Sipas tij, per te dhe koleget e tjere qe e mbeshtesin, vendi i opozites eshte te kryeje misionin e saj, duke marre pjese ne Parlament. "Me pjesemarrjen tone ne Parlament, behen edhe me efikase protestat. Nje aktivitet i bazuar ne bojkotin e Parlamentit dhe i fokusuar thjesht ne protesta, nuk e ndihmon aspak Partine Socialiste ne efikasitetin e saj", u shpreh dje Malaj. Sipas tij, duhet te shihen te gjitha menyrat qe PS ti rikthehet jetes parlamentare. Malaj vleresoi se, eshte e pamundur qe te vijohet ne menyre te tille, pafundesisht me bojkote. "Nuk mund te vazhdohet pafundesisht bojkoti ndaj Parlamentit. Nje opozite e cila kufizohet thjesht ne te berin e opozites vetem kunder qeverise dhe nuk ka nje alternative tjeter konkrete, nuk eshte nje opozite inspiruese apo nje opozite prane se ciles mund te afrohet fitorja", vijoi deputeti socialist. Sipas Malaj, grupi i deputeteve te socialiste qe jane pro hyrjes ne Kuvend si dhe pranimit te humbjes se PS-se, ne zgjedhjet parlamentare te 28 qershorit, nuk shqetesohet aspak se cfare do te behet me ta ne te ardhmen ne strukturat e selise roze. Perkundrazi, Malaj theksoi se shqetesimi aktual i ketyre deputeteve eshte se cfare do te ndodhe me Partine Socialiste dhe si do te funksionoje ajo, sa do te cenohet demokracia e saj e brendshme. Ne kete menyre, Malaj argumentoi faktin se pse PS duhet te jete pjese e Kuvendit dhe te jape alternativat e saj.