I akuzuari kerkon ulje denimi

I akuzuari per masakren e Cerrikut kerkon te rifitoje ulje denimi per nje vrasje te kryer ne vitin 1998, per te cilen eshte denuar 25 vite burg se bashku me te vellane. Tomor Buzani ka depozituar kerkesen ne Gjykaten e Tiranes, tri dite me pare, ndersa vuan denimin ne Burgun e Peqinit. Diten e djeshme eshte hedhur edhe shorti elektronik dhe kerkesa e firmosur nga 48-vjecari do te shqyrtohet nga gjyqtari Ilir Celiku. Ai eshte ndaluar gjate vitit 2002 dhe ka kryer 6 vite burg per vrasjen e nje personi, dhjete vjet me pare. Ndersa eshte nje nga te pandehurit e dosjes "Cerriku 97", ku u vrane dhe dogjen te gjalle gjashte gardiste dhe u plagosen 9 punonjes te tjere, ai kerkon tre muaj ulje denimi. Ne qeli gjendet dhe vellai i tij, po i arrestuar dhe denuar, Bujar Buzani, per te njejten veper penale dhe po i dyshuar per masakren e Cerrikut. Burime zyrtare nga gjykata thane se pritet qe te shqyrtohet materiali i depozituar dhe nese kerkesa eshte e mbeshtetur ne ligj dhe e pranueshme. Po keshtu, do te vleresohet mendimi i drejtuesve te Burgut te Peqinit per sjelljen e te denuarit. Tomor Buzani eshte nje nder dhjete te akuzuarit per ngjarjen e ndodhur gjate vitit 1997, kur qytetaret e revoltuar u perplasen me forcat e policise dhe Gardes. Dosja eshte ende duke u hetuar nga Prokuroria e Krimeve te Renda per te zbardhur te gjithe skemen e ngjarjes se ndodhur me 23 maj te vitit 1997 ne Cerrik, ku mbeten te vrare 6 gardiste. Tomor Buzani akuzohet se ne bashkepunim me personat e marre ne hetim nga ana e Prokurorise se Krimeve te Renda, Llazar Bici dhe Met Bozi, kane vepruar pas informimit mbi levizjet qe po beheshin ne qytet. Ata akuzohen se organizuan ne qytetin e Cerrikut nje grup personash te armatosur me qellim goditjen e forcave policore. Sipas dosjes hetimore, mengjesin e dites se masakres, ne lagjen nr.3 te qytetit, Bici dhe Bozi kane takuar Roland Xhepaxhi, Arjan Tosken, Luftar Tosken, Besnik Tosken, Alban Tosken, Sokol Buzanin, Bujar Buzanin, Tomor Buzanin, Bashkim Buzanin, te cilet i kane nxitur per te goditur forcat e policise qe do te leviznin neper qytet. Te ndare ne dy grupe kane qelluar mbi autoblindin, duke lene te vrare gjashte gardiste, si dhe u plagosen 9 persona te tjere, midis tyre dhe Agron Kuliqi, ish-shef i komisariatit Elbasan, aktualisht zevendesdrejtor i Policise se Shtetit. Trupa e gardisteve dhe policeve kishte hyre ne qytet pas informacionit per trazira. Pas 10 vitesh, Prokuroria e Krimeve te Renda ka arritur te zbardhe te plote ngjarjen e ndodhur ne qytetin e Cerrikut, ne saje te deshmive te marra ne vendngjarje, si dhe te mbijetuarve, te cilet mbeten te plagosur gjate kohes qe hyne per te vendosur rendin. Tomor Buzani, nje nga personat e akuzuar per pjesemarrje ne organizate kriminale, vrasje etj., kerkon qe gjykata t'i ule denimin per vepren penale, per te cilen eshte denuar me 25 vite burg.