I ftohti, rriten paciente tek pediatria e kardiologjia

Sonila Isaku
Ulja e menjehershme e temperaturave ka sjelle edhe nje rritje te numrit te personave te cilet jane prekur nga viroza apo edhe ftohjet. Sipas mjekeve duket se i ftohti ka reflektuar menjehere tek personat te cilet kane nje imunitet te dobet, si dhe tek femijet te cilet jane edhe me te rrezikuarit. Por pervec femijeve, nje tjeter kategori qe shfaq shqetesime per shkak te te ftohtit, jane edhe moshat e treta qe sipas mjekeve i manifestojne me probleme kardiake.
Rastet
Megjithese per mjeket aktualisht ka nje rritje te vogel te numrit te personave te prekur nga viroza gripale, ftohjet apo problemet kardiake, perseri mjeket nuk harrojne te japin keshillat me te domosdoshme. Sipas tyre, me te kujdesshem duhet te jene ata persona te cilet vuajne nga nje semundje kronike, kryesisht te moshes se trete. Po keshtu nje kujdes te vecante duhet te tregojne nenat per femijet e vegjel, pasi keto temperatura te uleta dhe viroza gripale, mund te cojne deri ne ftohje te renda. Cdo dite ne urgjencen e Pediatrise, paraqiten 200 deri ne 220 paciente, ndersa ne ate te kardiologjise deri ne 70 paciente ne dite. Nderkohe qe ne poliklinika haset edhe numri me i madh i personave, te cilet kane probleme kardiake dhe kryejne konsulta me mjekun specialist. "Luhatjet e temperaturave apo edhe ato ekstreme, krijojne shqetesime tek njerezit qe kane probleme me zemren. Nje mot i ngrohte suportohet me lehte, se sa nje mot i ftohte, gjate te cilit behet ngushtimi i eneve te gjakut. Ketu dua te jap edhe nje shembull. Personat qe kane probleme me koronaret, sindromi anginoz, kur shkojne per te fjetur dhe mbeshtillen me nje carcaf te ftohte ndiejne edhe krizat e para. Gjithashtu, nese nje i semure del nga nje ambient i ngrohte ne nje ambient te ftohte, kryesisht ne dimer ndiejne menjehere dhimbjen e gjoksit", ka pohuar per gazeten, mjeku kardiolog Valer Manushi. Sipas tij, nuk keshillohet perdorimi i alkoolit per te perballuar te ftohtin.
Femijet
Jane disa viruse qe qarkullojne ne ajer, te cilet ne kushte te pershtatshme, shumohen dhe behen patogjene per organizmin. Sigurisht me te ndjeshem ndaj ketyre viruseve jane femijet. Kjo eshte edhe nje arsyet qe Pediatria ne spitalin e femijeve ne Qendren Spitalore Universitare "Nene Tereza", ka qene e permbushur nga prinder me femije ne krah qe prisnin radhen, per te vizituar femijet e tyre. Shenjat e gripit sipas mjekeve jane temperatura e larte dhe e menjehershme e shoqeruar me ethe, dhimbje koke qe perhapen ne shpine dhe gjymtyre, kolle e thate, qe me vone mund te behet me sekrecione. "Komplikacioni me i rende eshte pneumonia. Por, e pergjithshmja eshte temperature e larte, me ethe, kolle e disa raste edhe me te vjella", ka pohuar mjeku Petrit Caca. Sipas tij, ne keto raste, dieta duhet te jete e lehte e lengshme dhe e ngrohte. Ditet qe i semuri ka temperature te larte, duhet te beje pushim shtrati, ndersa kur temperatura ulet mund te beje aktivitete te lehta fizike, brenda shtepise.
Keshillat
Duke pare keto kushte klimaterike mjeket nuk harroje te japin edhe keshillat. Ata sugjerojne qe te moshuarit, e sidomos personat qe vuajne nga probleme kardiovaskulare dhe ato pulmonare, te qendrojne ne shtepi te pakten ne oret e ftohta te mengjesit dhe te darkes, ku temperaturat regjistrojne nivelet e tyre me te uleta. Po keshtu, e njejtat keshilla vijne edhe per prinderit e rinj me femije te sapolindur, apo ne periudhen e qumeshtit qe te mos i nxjerrin jashte per shetitje, gjate oreve kur i ftohti eshte tejet agresiv. Nderkohe, nder keshillat me te rendesishme eshte ajo e marrjes se sa me shume lengjeve, te cilat permbajne vitamine C, si dhe ushqyerjes se femijeve me po keto lloj frutash.

Mjeket
Ditet ne vijim, rritje te rasteve
Duke qene se temperaturat e uleta vazhdojne qe te mbizoterojne edhe per nje kohe te gjate ne vendin tone, mjeket presin nje rritje te rasteve te pacienteve te cilet do te shfaqin probleme me shendetin. Sipas bluzave te bardha, me te prekur do te jene ata persona te cilet nuk i kane evituar daljet edhe gjate ketyre diteve kur termometri ka shenuar disa grade nen zero. "Nje fluks me i madh i pacienteve pritet te jete ne ditet ne vijim, kur i ftohti te shfaqe edhe ato shenjat e para tek pacientet. Gjate ketyre diteve ka pasur raste te pacienteve te ftohur por edhe atyre qe kane kaluar nje gjendje gripale", pohojne mjeket. Nderkohe qe ne ditet ne vijim mendohet se do te kete nje dyfishim te rasteve, sidomos te te semureve nga ftohjet apo probleme te rrugeve respiratore. Keto sipas mjekeve, manifestohen me temperatura te larta, te vjella dhe gjendje debulese.

Keshillat
Te mos konsumohet uje i ftohte
Lengjet te konsumohen me temperature ambienti
Veshje ne baze te temperatures se ajrit
Konsum te lengjeve pa gaz
Keshillohet lengu i portokalltit
Perdorimi i frutave me vitamine C
Mosperdorimi i alkoolit per te moshuarit me zemer
Mos ndryshimi i ambienteve te ndryshme nga te semuret kardiake