I ngec fasulja ne gryke, vdes 3-vjecari

Lushnje- Nje femije 3 vjecar ka gjetur vdekjen paraditen e djeshme, teksa ka kaperdire dy kokrra fasule. Ngjarja tragjike ka ndodhur ne familjen Petova ne fshatin Spolat te komunes Gradishte te Lushnjes, rreth ores 11:00. Madrid Petova ka qene ne oborrin e shtepise se tij se bashku me familjaret. Keta te fundit sapo kishin vjele prodhimet e para te fasules nga ara dhe i kishin hapur ato per t'u thare ne verande. Femija qe luante aty prane, pa u vene re nga prinderit ka marre dy kokrra fasule duke i kapercyer. Mirepo fasulet i kane kaluar femijes ne rruget e frymemarrjes. Nje prej kokrrave te fasules familjaret kane mundur qe t'ia nxjerrin vogelushit, ndersa kokrren tjeter jo. Mjeket shpjeguan se nje prej kokrrave te fasules eshte bymyer ne laring dhe nuk mund te kaperdihej me tej apo te nxirrej nga goja. Ne kete menyre fasulja i ka bllokuar teresisht rruget e frymemarrjes vogelushit, duke i shkaktuar vdekjen brenda disa minutave. Femija ka vdekur ne banese, duke mos arritur dot deri ne spital. Mungesa e oksigjenit ka bere qe brenda pak minutash 3-vjecari te shuhej. Policia vendore u njoftua per ngjarjen duke nisur hetimet perkatese. Mjeket konstatuan shkakun e ngjarjes, duke e quajtur aksident, pas marrjes dhe ne pyetje te familjareve.

Xh. Beharaj