I shpetojne policise, braktisin 161 kg marijuane

Persona ende te paidentifikuar nga policia e Tepelenes i kane shpetuar ndjekjes se policise duke braktisur 161 kg marijuane. Sipas burimeve zyrtare ne Drejtorine e Policise, Gjirokaster "ngjarja ka ndodhur mbremjen duke u gdhire dita e djeshme ne rrugen kombetare Subash-Tepelene". Forcat e policise u vune ne levizje pas informacioneve te marra ne rruge operative se ne kete rruge levizte nje automjet me targa false per te cilin dyshohej se mund te transportonte lende narkotike. Ato kane ngritur nje postbllok, ne vendin e quajtur Ormene, midis Ujit te Ftohte dhe fshatit Hormove. "Automjeti tip "Volksvagen", me targa false Gj 29 54 A, i cili levizte per ne Tepelene eshte afruar ne postbllok rreth mesnates, ku i eshte dhene shenje nga policia per te ndaluar", pohoi dje zedhenesi i policise se Gjirokastres, Gentian Mullai. "Drejtuesi i automjetit nuk ka ndaluar por ka rritur shpejtesine, duke mos iu bindur urdhrit tone", thote njeri prej efektivave te policise, pjesemarres ne kete operacion. Efektivat e policise jane vene ne ndjekje te mjetit. Drejtuesi i automjetit ka braktisur makinen ne nje siperfaqe me te mbjella bujqesore dhe se bashku me pasagjerin qe kishte jane hedhur ne nje perrua ne drejtim te lumit Drino. "Ne mes te erresires, ne dalluam vetem dy silueta, te cilat vraponin per t'u fshehur pergjate shtratit te Drinos", thone efektivat e policise. Si pasoje e erresires dhe terrenit te pyllezuar te dy personat kane arritur t'i shmangen ndjekjes se policise duke u larguar. "Gjate keqyrjes se mjetit te braktisur, ne konstatuam se me te transportoheshin 161 kilograme lende narkotike e llojit marijuane", thote zedhenesi Mullai. Brenda ne automjet policia evidentoi 6 canta te medha sportive, me ngjyre te zeze, te mbushura me lende narkotike. 5 canta kishin nga 25 pako secila ne forme cilindrike te mbeshtjella me leter natriban dhe secila pako peshonte 1 kilogram e 50 grame. Ndersa ne canten e fundit kishte 31 kilograme lende narkotike te pa paketuar. Gjate oreve te para te mengjesit te djeshem, ne ambientet e policise se Gjirokastres jane shoqeruar 2 persona, te cilet dyshohet se kane lidhje me ngjarjen, por per arsye hetimi policia nuk ben te ditur identitetin e tyre.

Blerim Kore