Ibrahimoviç mbetet në Milan
Nga Express më 08 maj 2011 në ora 15:28
Ylli i Milanit Zlatan Ibrahimoviç ka insistuar se do të mbetet në klub pas kremtes së titullit të 18-të në Serie A të siguruar të shtunën mbrëma me barazimin 0-0 në Romë.
“E ardhmja? Dikush do të largohet por unë nuk lëvizi prej këtu. Do të mbetem në Milan për një kohë të gjatë”, tha Ibrahimoviç i cili erdhi në Milan gjatë verës së vitit të kaluar nga Barcelona.
“Kur kam ardhur kam premtuar se do të fitojmë. Premtimi është realizuar”, përfundoi ai.