Ibrahimoviç nuk do të jetë kundër Interit!

Sulmuesi i Milanit, Zlatan Ibrahimoviç, do të mungojë në derbin kundër Interit, pasi është dënuar me tri ndeshje pezullim për goditjen ndaj lojtarit të Barit, Marko Rosi. Ibra e goditi Rosin në pjesën e dytë të ndeshjes së të dielës dhe u përjashtua me karton të kuq. Ndërsa tani do të mungojë edhe në përballjet mjaft të rëndësishme të kuqezinjve kundër Palermos, Interit dhe Fiorentinas. “Tri ndeshje pezullim për Zlatan Ibrahimoviçin e Milanit për sjellje jo të rregullt pasi e ka goditur lojtarin kundërshtar në bark, duke e bërë të rrëzohet në tokë pa pasoja dëmtimi”, shkruan në komunikatën e lëshuar nga Lega Serie A. Mirëpo, pritet që kuqezinjtë të bëjnë apel për këtë vendim dhe shpresojnë që ta kenë në derbin kundër rivalit për titull, Inter.