Imami: Prioritet i buxhetit të ministrisë, demontimi i armëve

Gjatë fjalës së tij në seancën e djeshme plenare për projektbuxhetin 2012, ministri i Mbrojtjes, Arben imami u shpreh se parashikohet një fond për mbështetjen e Forcave të Armatosura. “Buxheti do të mbështesë një strukturë organike, si dhe gjithë strukturat e Forcave të Armatosura. Si anëtarë të NATO-s, duhet të përcaktojmë strukturën e forcës sonë. Duhet të përcaktojmë demontimin e armëve sipas planit të demontimit. Procesi i plasjes do të përfundojë brenda vitit 2012. Ta shndërrojmë nga një forcë mbrojtëse në forcë trajnuese”, - tha ministri Imami.