Indi gjykata e pare per femrat

Në një përpjekje për të luftuar krimin kundër grave në Indi është krijuar dhe gjykata e parë për gratë. Gjykata do të merret eksluzivisht me krimet dhe dhunën kundër grave.
Gjykatëset do të jenë vetëm femra dhe do të shqyrtojnë vetëm rastet kur viktima janë gra.
“Është shumë e trishtueshme që aktualisht në vendin tonë gartë janë viktimë e krimeve të tmerrshme. Për ne është një cështje krenarie hapja e kësaj gjykate ku të gjithë nëpunëset do të jenë femra.
Pritet që kjo iniciativë të sjellë një përmirësim të ndjeshëm në një moment ku numri i rasteve të trafikimit dhe të krimeve seksuale ka shënuar rekord.
“Kjo është për mbrojtjen e grave. Proceset do të jenë të menjëhershme dhe nuk do të ketë shtyrje.
Pavarëisht protestave të kohëve të fundit në Indi vazhdon të ketë një numër të konsiderueshëm krimesh seksuale ndaj grave.
Sipas aktivistëve të të drejtave të njeriut, gratë janë objekt i përdhunimevem rrëmbimeve, vrasjeve për cështje nderi si dhe martesave në moshë të vogël. Ndërkohë që dhe trafiku i qënieve njerëzore është shumë aktiv.