India, importuesja më e madhe e armatimit në botë

India është importuesja më e madhe e armëve në botë, ndërsa SHBA-ja dhe Rusia kanë pjesë prej 50 për qind në tregtinë botërore të armëve në periudhën e viteve 2007-2011, kumtoi Instituti i Stokholmit për hulumtimin e paqes (SPIRI).

Vëllimi i tregtisë botërore me armë konvencionale është rritur për 24 për qind në këtë periudhë, në krahasim me vitet 2002-2006.

India ka importuar dhjetë për qind nga transferimet globale të armëve, 80 për qind janë ruse, ndërsa tjerat janë nga Britani e Madhe dhe Izraeli.

"Blerja e armëve nga India është motivuar nga shumë faktorë -rivaliteti me Pakistani dhe Kinën, konfliktet brendshme dhe terrorizmi, si dhe përpjekjet e Nju-Delhit që t'i zgjerojë aftësitë e veta detare ushtarake", tha Mark Bromoli nga SIPRI.

Katër importuesit tjerë për periudhën e hulumtuar gjithashtu janë në Azi - Koreja Jugore, Pakistani, Kina dhe Singapori.

Siria ka importuar rreth gjashtë herë më shumë armë në periudhën e lartë-përmendur. Rusia ka dërguar 72 për qind nga armët, të importuar nga regjimi i presidentit Bashar al Assadit.

SHBA-ja ka kanë shitur armë në më shumë se 80 vende. Koreja Jugore, Australia, Emiratet e Bashkuara Arabe janë tre importuesit më të mëdhenj të armëve amerikane.