Interi i beson Sneijderit
Presidenti i Interit, Massimo Moratti ka insistuar se Wesley Sneijder vazhdon të jetë anëtar i rëndësishëm i skuadrës.
E ardhmja e holandezit është vënë në dyshim pasi ai ishte shumë pranë largimit nga klubi gjatë verës së shkuar kurse Inter nuk është kualifikuar për edicionin e ardhshëm të Ligës së Kampionëve.
“E shohim Sneijderin si një futbollist i cili mund të luajë rol vendimtar në të ardhmen e Interit, ai nuk ka probleme këtu. Interi duhet të vazhdojë të punojë për të nxjerr maksimumin nga futbollistët që ka”, deklaroi Moratti për uebfaqen zyrtare të Interit.