Interi s’fal, Juventusi rikthehet te fitorja
Kampionati italian ka rifilluar me emocione të mëdha. Interi është konfirmuar dominues, pasi ka marrë edhe tri pikët e para për vitin 2010. Zikaltrit e Zhoze Murinjos kanë mundur Kievon në transfertë me rezultatin 1-0 falë golit të Mario Balotelit në minutën e 12-të të pjesës së parë. Bogdani luajti deri në minutën e 59-të, por nuk arriti të shënonte.Juventusi - Ka rifilluar shumë pozitivisht kampionati për "Zonjën e Vjetër", e cila ka mundur të marrë një fitore të vështirë ndaj Parmës, e dyta në shtatë ndeshjet e fundit. Golin e avantazhit për Juventusin e ka shënuar Salihamixhiç, por më pas emiljanët kanë barazuar me anë të Amoruzos. Suksesi i bardhezinjve është finalizuar falë autogolit të Kastelinit. Napoli - Bardhekaltrit e Valter Maxarrit kanë shkatërruar Atalantën me një lojë të shkëlqyer. Skuadra e Napolit ka mundur në Bergamo Atalantën me rezultatin 2-0, falë golave të shënuar nga Kualjarela dhe Pacienca. Roma, Fiorentina dhe Lacio - Ka humbur një sukses thuajse të sigurt skuadra e Ranierit ndaj Kaljarit. Verdhekuqtë kanë kaluar në avantazh gjatë pjesës së dytë të ndeshjes falë golave të shënuar nga Perrota e Pizarro, por në minutën e fundit Lopez dhe Konti kanë barazuar rezultatin. Viti 2010 ka filluar shumë pozitivisht edhe për Fiorentinën, e cila ka mposhtur me meritë Sienën, me një rezultat të thellë 5-1. Një numër i konsiderueshëm golash është shënuar edhe në "Olimpiko", ku Lacio ka mundur 4-1 Livornon. Sërish fitore për skuadrën e Barit që ka mposhtur 2-0 Udinezen. Ndërsa sfida midis Sampdorias dhe Palermos ka përfunduar në barazim 1-1. Humbet Bolonja ndaj Katanias, e cila ka siguruar suksesin falë golit të Spolit në pjesën e dytë të ndeshjes.NDESHJETKievo-Inter 0-1Atalanta-Napoli 0-2 Bari-Udineze 2-0 Kaljari-Roma 2-2Katania-Bolonja 1-0Lacio-Livorno 4-1Parma-Juventus 1-2 Sampdoria-Palermo 1-1Siena-Fiorentina 1-5Milan-Xhenoa 5-2RENDITJASkuadra PInter 42Milan 34Juventus 33Napoli 30Roma 29Parma 28Fiorentina 27Bari 27Palermo 27Sampdoria 26Kaljari 24Xhenoa 24Kievo 24Lacio 19Udineze 18Livorno 18Bolonja 16Katania 15Atalanta 13Siena 12