Irani arrestoi 5 gazetarë të BBC-së

Mediat shtetërore të Iranit kanë raportuar se pesë iranianë, që punonin për shërbimin televiziv në gjuhën farsi të BBC-së, janë arrestuar.

Ata ishin arrestuar të shtunën, derisa e punonin një emision dokumentar pa autorizim nga departamenti i shtypit të jashtëm të ministrisë së Kulturës.

Ministri Mohamad Hoseini i ka konfirmuar arrestimet dhe tha se shërbimi i inteligjencës së shpejti do të japë më tepër detaje.

Shërbimi i BBC-së në gjuhën farsi është i ndaluar në Iran, por ai mund të shikohet përmes satelitit.

Qeveria e akuzon atë se transmeton raporte negative për Iranin dhe se po nxitë kryengritje.