Ish-pronarët, pakënaqësi nga legalizimi

Qeveria po vijon të cenojë pronarët. Ky është qëndrimi që shprehin përfaqësuesit e shoqatave të ish-pronarëve, në lidhje me procesin e dëmshpërblimit financiar për shpronësimin nga legalizimi. Sipas përfaqësuesve të ish-pronarëve, ndonëse procesi i legalizimit të ndërtimeve informale është bërë, pronarët e truallit ende nuk janë likuiduar nga qeveria. Sipas tyre, fondi i dëmshpërblimit, i ardhur për ta nga procesi i legalizimit, i ka kaluar në mënyrë të padrejtë AKKP-së, si një fond rezervë dhe ai nuk është shpërndarë menjëherë për pronarët e tokës.