Islandë, Kryeministrja inauguron e para martesën homoseksuale

Kryeministrja e Islandës ishte e para që inauguroi martesën gei pas aprovimit të ligjit në vendin e saj, duke kurorëzuar lidhjen disavjeçare me të dashurën e saj, shkrimtaren dhe skenaristen, Jonina Leosdottir. Kryeministrja, Johanna Sigurdardottir u martua me Leosdottir gjatë fundjavës, menjëherë pasi hyri në fuqi ligji për celebrimin e martesave homoseksuale. Ligji i ri, sipas të cilit të gjithë kanë të drejtë martese, pavarësisht nga gjinia, u aprovua nga Parlamenti islandez më 11 qershor me 49 vota pro dhe asnjë kundër. Sipas televizionit publik “Ruv”, Sigurdardottir u martua pa organizuar ndonjë ceremoni të veçantë. Kryeministrja Sigurdardottir, 68-vjeçare, erdhi në pushtet në shkurt të vitit 2009. Prej disa vitesh ajo jeton me Ledsdottir, e cila është rreth 50 vjeç. Martesa e Kryeministres islandeze shënon rastin e parë të ekspozimit publik mbi homoseksualizmin të kreut të ndonjë shteti. Sigurdardottir është një nga politikanet më të vlerësuara në Islandë, por edhe në Europë.