Itali/ Monti pershpejton miratimin e nje plani shtrengues antikrize

Kryeministri i ri italian, Mario Monti vendosi sot të përshpejtojë miratimin e një plani tjetër shtrëngues dhe një sërë masash për rimëkëmbjen ekonomike për të shmangur përfshirjen e Italisë nga kriza e borxhit në zonën euro.

Qeveria u mblodh sot pasdite në Romë, ndërkohë që Këshilli i Ministrave në Romë për planin e rregullimit buxhetor ishte programuar për nesër.

Sipas krerëve politikë dhe partnerëve social, të cilëve ai u ka paraqitur planin e veprimit këtë fundjavë, ish-komisioneri evropian kërkon të reaagojë sa më shpejt për sigurimin e tregjeve që do të hapen nesër dhe partnerëve të huaj, ndërkohë që një samit evropian vendimtar do të zhvillohet të enjten dhe të premten.