Itali shuhet familja egjiptiane

Defekti i një kaldaje me gaz i ka kushtuar jetën një familjeje të tërë  emigrantësh egjiptiane në Landriano, një qytezë me rreth 7 mijë banorë në afërsi të Padovës.

Në apartamentin e vogël u gjetën trupat e Mohamed El Sherif, 35 vjeç, të gruas së tij Sabah, 24 vjeç në muajin e tetë të shtatzanisë dhe të dy fëmijëve 3 dhe 4 vjeç.

Sipas specialistëve ngjarja ka ndodhur përpara të paktën katër ditësh.

Miq të familjes, ishin shqetësuar për heshtjen dhe pas kërkimesh të kota në telefon, nuk kishin ngurruar të shqyenin derën e shtëpisë, duke zbuluar tragjedinë.

Fqinjët bëjnë të ditur se familja kishte vendosur të ndërronte shtëpinë menjëherë pas lindjes së fëmijës së tretë.

Ata rrëfejnë se prej kohësh ishin ankuar për defektin e kaldajës dhe i kishin kërkuar pronarit të shtëpisë që të dërgonte një teknik.

Gjë që ai nuk e kishte bërë. Tani është nën akuzë për vrasje të shumëfishtë.

Ngjarja ka tronditur si komunitetin e emigrantëve egjiptianë ashtu dhe banorët vendas.

Kryebashkiaku i Landrianos ka shpallur ditë zie në qytet.