Italia dridhet, Pirlo mund të humbë Botërorin

Sikur të mos mjaftonte paraqitja e dobët e bërë në ndeshjen kundër Meksikës, e humbur me rezultatin 2-1, tani Italia është pushtuar nga ethet e frikës mbi gjendjen shëndetësore të Andrea Pirlos. Fantazisti italian ka vënë në dyshim pjesëmarrjen e tij në Botëror. Gjatë ndeshjes me Meksikën, Pirlo duhet të ketë pësuar një tërheqje të gradës së dytë në pulpën e këmbës së majtë dhe mesa duket dëmtimi duket të jetë shumë serioz. Lojtari i Milanit ka lënë dje grumbullimin italian dhe është kthyer në shtëpi, në Milano, ku do t’i nënshtrohet edhe rezonancës magnetike, e cila do të saktësojë rëndësinë e dëmtimit. Lipi dhe të tijtë shpresojnë që dëmtimi të mos jetë serioz, ose përndryshe, trajneri italian ka kohë deri më 13 qershor, për të zëvendësuar me një tjetër lojtar.