Ivanovic: Referendumi krijon konflikte me Serbinë

Sekretari shtetëror për Kosovën, Oliver Ivanoviç, nuk ia ka dalë të bindë kryetarët e komunave paralele në veri të Kosovës që të heqin dorë nga referendumi.

Referendumi në veri do të mbahet më 14 dhe 15 shkurt, vendosën katër kryetarët paralelë dhe i ashtuquajturi kryetar i Qarkut të Mitrovicës.

“Rezultati i referendumit dihet paraprakisht”, ka thënë Ivanoviç, sipas të cilit përfaqësuesit serbë “bashkë me popullin, që më 25 korrik kanë thënë se nuk i duan institucionet e Kosovës dhe të EULEX-it”.

"Pra, jo Prishtina, jo Brukseli, dhe në këtë mënyrë drejtpërdrejtë e vënë në pikëpyetje edhe komunikimin me Beogradin... Unë ju kam thënë se, sipas mendimit tim ky pozicion politikisht dhe praktikisht është i paqëndrueshëm”, ka thënë Ivanoviç për B92.

“Njerëzit seriozë në Kosovë pyesin se çfarë politike është kjo që sjellë konflikte mes përfaqësuesve të pushtetit lokal dhe pushtetit të Serbisë”.