Jahjaga udhëtoi për në Lituani

Presidentja Atifete Jahjaga udhëtoi sot për në vizitë në Lituani, ku do të marrë pjesë në konferencën “Gratë përforcojnë demokracinë: praktikat më të mira”.

Konferenca nis punimet nesër dhe ajo është e organizuar nga presidentja e Lituanisë, Dalia Grybauskaite dhe presidentja e Finlandës, Tarja Halonen.

Jahjaga do të mbajë një fjalë rasti, ndërsa gjatë punimeve dhe në margjina të konferencës, ajo do të ketë një varg takimesh bilaterale, njofton Zyra e Presidentit.