Japoni, socialdemokratët braktisnin koalicionin qeverisës

Në Japoni, Partia Socialdemokrate ka dalë nga koalicioni qeverisës i Kryeministrit Yukio Hatoyama. Arsyeja është konflikti për bazën ajrore të aviacionit luftarak të SHBA-së, në ishullin Okinawa. Partia kritikoi Hatoyaman për mashtrim në zgjedhje, sepse ai nuk kërkoi më nga amerikanët mbylljen e bazës. Japonia dhe SHBA-ja kanë rënë dakord, ndërkohë që baza vetëm do të zhvendoset tani në një rajon bregdetar më pak të populluar. Nga ky hap i socialdemokratëve, Kryeministri, i cili për shkak të skandaleve të papara të donacioneve të partisë po përballet me kritika, do të dobësohet edhe më tej. Megjithatë, qeveria nuk është e rrezikuar, për shkak se Partia Demokratike e Hatoyamas në Parlamentin e Tokios ka ende një shumicë të mjaftueshme votash që e mbështesin.