Japonia, 5 milione euro per urgjencat

Urgjencat e 14 spitaleve ne vend do te ndryshojne ne aparatura dhe ne infrastrukture, fale nje investimi te bere nga qeveria japoneze me nje fond prej 5 milione euro. Ndersa pala shqiptare do te pergjigjet per infrastrukturen, pala japoneze do te pergjigjet per aparaturat te cilat do te jene 47 lloje te ndryshme ne varesi te kerkesave. Ky fond do te shkoje per 14 qendrat e urgjencave ne rrethet Lezhe, Kukes, Durres Lushnje, Diber, Elbasan, Fier, Berat, Vlore, Sarande, Gjirokaster dhe Korce. Ministri i Shendetesise, Petrit Vasili theksoi se ky projekt do te rrise cilesine e sherbimit ne urgjenca. "Marreveshja perputhet plotesisht me strategjine e sistemit shendetesor e ate te urgjences ne vecanti dhe ka per qellim, permiresimin e cilesise se ofrimit te sherbimit te urgjences per popullaten. Nga ky projekt perfitojne 14 qendra urgjence ne spitalet rajonale te vendit si dhe qendrat e urgjences ne sherbimin pediatrik ne QSUT dhe urgjencen e Tiranes", tha Vasili. Ne keto qendra do te instalohen afersisht 47 tipa aparaturash te reja, ne sasi te ndryshme, ku perfshihen autoambulanca me pajisje te avancuara per shpetimin e jetes, si dhe diagnostikimi deri edhe dy skanere e pajisje te tjera, qe nevojiten per dhenien e ndihmes ne rast urgjence. Instalimi dhe venia ne funksion te plote e pajisjeve do te perfundoje brenda vitit. JICA do te marre persiper dhe programe trajnimi per mirembajtjen e pajisjeve me qellim perdorimin e tyre afatgjate, programe te cilat do te realizohen brenda kohes se montimit te pajisjeve.