Japonia nje vit nga katastrofa

Japonia shënon sot përvjetorin e parë të tërmetit dhe tsunamit shkatërrues që goditi bregdetin veri-lindor duke marrë jetën e mijëra personave. Tërmeti  me magnitude prej  9 ballë shkaktoi  dhe  incidentin në bërthamore në Fukushima, ku si pasojë mijëra persona u evakuan. Ceremonia kryesore përkujtimore u mbajt në Teatrin Kombëtar të Tokio-s. Ai u ndoq nga Perandori Akihito, dhe kryeministrin, Yoshihiko Noda. Sirenat e alarmit u ndezën  në të gjithë pjesën verilindore të vendit, në kohën kur goditi tërmeti, ndërsa këmbanat dhe lutjet kumbuan  duke respektuar me një minutë heshtje mijëra viktima. Agjencia japoneze e lajmeve, Kyodo raportoi se disa trena rreth Tokios u ndalen per të shënuar këtë moment. Tërmeti goditi Japoninë një vit më parë në mesditë, menjëherë më pas cunami shkatërroi c’gjeti përpara. Si pasojë e dy fatkeqësive më të mëdha natyrore të vendit më shumë se 15 800 persona humbën jetën dhe  mbi 3 mijë të tjerë rezultojne ende të zhdukur.  Centrali bërthaor në Fukushima  pas  dëmeve të renda të shkaktuara ende u kujton banorëve  kërcënimin dhe frikën e një viti më parë. Si pasojë e rrezatimit zonat përrreth tij janë të pabanueshme. Kryeministri i vendit ka premtuar mbylljen e tij dhe rindërtimin e qyteteve të shkatërruara .