“Jemi krenarë për harmoninë fetare”

 

Zv.kryeministri dhe ministri i Jashtëm, Ilir Meta, tha se shqiptarët ndihen krenarë për bashkëjetesën fetare në Shqipëri. “Ne shqiptarët jemi krenarë për traditën shekullore të harmonisë dhe mirëkuptimit të plotë ndërmjet tre feve kryesore të vendit tonë. Kjo godinë shpirtërore e ekuilibrit tonë kombëtar nuk është njollosur asnjëherë. Kjo është një dëshmi tjetër e faktit se një bashkëjetesë e denjë mund të vazhdojë vetëm mbi bazën e respektit për diversitetin”, theksoi kreu i diplomacisë shqiptare.