KOP,nis administrimin e zgjedhjeve

15/02/2005  Komiteti i Orientimit të Politikave ka prezantuar dje në ambientet e hotel Tiranës

programin e Partisë Demokratike për zhvillimin e transportit. Një ndër autorët e këtij programi, Kujtim Hashorva, gjatë prezantimit të strategjisë vuri theksin në rëndësinë e ndërtimit të korridoreve shqiptare. Sipas tij, ndërtimi i korridoreve, që lidhin Shqipërinë me pjesën tjetër të rajonit, si dhe përfundimi i Korridorit 8 duhet të jetë në qendër të praktikave të qeverisë së ardhshme në zhvillimin e kësaj dege të rëndësishme, të ekonomisë së vendit. "Por, ndërsa të gjitha korridoret e tjera në Ballkan janë në ndërtim e sipër, Korridori 8 ka ngecur në vend. Ai rëndom është identifikuar vetëm me rehabilitimin e disa akseve rrugore", tha Hashorva. Sipas tij, për përfundimin e Korridorit 8-të duhen projekte konkrete që të bëhet e mundur edhe thithja e financimeve. Gjithashtu, ndërtimi i një korridori që do të lidhë Jugun dhe Veriun, apo përshpejtimi i punimeve në rrugën Durrës-Kukës, do të hapin mundësitë për zhvillimin e mëtejshëm të vendit. "Ndërtimi i një korridori jugor do të rriste më shumë mundëisnë e zhvillimit të turizmit