Kalaja: Borgjezia e re e pushtetit, po zhvat pronat e sindikatave
21/08/2009 Reagim i Bashkimit të Sindikatave të Pavarura të Shqipërisë
Kreu i Bashkimit të Sindikatave të Pavarura të Shqipërisë, Gëzim Kalaja, ka reaguar dje kundër vendimit të qeverisë “Berisha” për konfiskimin e pronave ligjore të sindikatave. Ai e ka cilësuar këtë akt, si një goditje të paramenduar, që qeveria po organizon ndaj tyre. Kalaja thekson se problemi nuk ka lidhje thjeshtë me pronat, por me asfiksimin e lëvizjes sindikale, si forcë oponente social-ekonomike ndaj qeverisjes. “Pronat e sindikatës janë ligjore. I paligjshëm dhe i qëllimshëm përballë nesh dhe opinionit shqiptar është qëndrimi i fundit i qeverisë, për t’i zhvatur këto prona me një vendim arbitrar e anti-kushtetues, duke realizuar kështu, synimin e përhershëm për të shkatërruar përfundimisht lëvizjen sindikale shqiptare dhe konkretisht BSPSH, këtë forcë aktive, që përmbysi komunizmin me grevën e urisë të minatorëve të Valiasit në vitin 1991 dhe me protestat mbarëkombëtare të organizuara prej punonjësve në të gjithë vendin”, thekson Kalaja. Sipas tij, sindikata e Pavarur Shqiptare i ka përfituar pronat me ligj dhe i përkasin vetëm asaj, që nga pronësia e deri tek administrimi. “Ky vendim i qeverisë, ndërsa dekorin e justifikon me gjoja konsolidimin e turizmit në zonat ku ndodhen pronat ligjore të sindikatës, përmbajtja e tij ka lidhje me zhvatjen e tyre prej njerëzve të lartë në politikë e në pushtet, që i kanë piketuar këto prona, për t’i bërë pronësi të tyre, ose më saktë, siç shprehet Kryeministri Berisha do të administrohen e më pas kuptohet, që do të blihen për “një copë bukë” prej “borgjezisë së re”, e cila përbëhet as nga anëtarët e sindikatës dhe as punëtorët shqiptarë, por nga grupe interesash ekonomike-financiare brenda pushtetit, të cilat nuk ka më asnjë dyshim, që kanë aq fuqi, sa të komandojnë edhe aktet vendimmarrëse të qeverisë e të shtetit”, nënvizoi Kalaja.
Bashkimi i Sindikatave të Pavarura Shqiptare bëri të ditur se do të mbledh ditën e hënë Këshillin Kombëtar, duke u pozicionuar ashpërsisht në mbrojtje të pronësisë së saj, “që vetëm 24 orë më parë u shpall prej kreut të qeverisë Sali Berisha, se është bërë objekt grabitjeje e jo menaxhimi, duke përdorur skemat mafioze të krijimit të gjoja shoqërive aksionere. Bashkimi i Sindikatave të Pavarura shqiptare, shprehet zoti Kalaja, do t’i kundërvihet këtij vendimi arbitrar e grabitqar të pushtetit, që synon shkatërrimin edhe ekonomikisht të lëvizjes sindikale, organizuar sistematikisht prej pushteteve politike në Shqipëri, ashtu siç është vepruar përgjatë këtyre 18 viteve”.
Kreu i Bashkimit të Sindikatave të Pavarura të Shqipërisë, Gëzim Kalaja, ka reaguar dje kundër vendimit të qeverisë “Berisha” për konfiskimin e pronave ligjore të sindikatave. Ai e ka cilësuar këtë akt, si një goditje të paramenduar, që qeveria po organizon ndaj tyre. Kalaja thekson se problemi nuk ka lidhje thjeshtë me pronat, por me asfiksimin e lëvizjes sindikale, si forcë oponente social-ekonomike ndaj qeverisjes. “Pronat e sindikatës janë ligjore. I paligjshëm dhe i qëllimshëm përballë nesh dhe opinionit shqiptar është qëndrimi i fundit i qeverisë, për t’i zhvatur këto prona me një vendim arbitrar e anti-kushtetues, duke realizuar kështu, synimin e përhershëm për të shkatërruar përfundimisht lëvizjen sindikale shqiptare dhe konkretisht BSPSH, këtë forcë aktive, që përmbysi komunizmin me grevën e urisë të minatorëve të Valiasit në vitin 1991 dhe me protestat mbarëkombëtare të organizuara prej punonjësve në të gjithë vendin”, thekson Kalaja. Sipas tij, sindikata e Pavarur Shqiptare i ka përfituar pronat me ligj dhe i përkasin vetëm asaj, që nga pronësia e deri tek administrimi. “Ky vendim i qeverisë, ndërsa dekorin e justifikon me gjoja konsolidimin e turizmit në zonat ku ndodhen pronat ligjore të sindikatës, përmbajtja e tij ka lidhje me zhvatjen e tyre prej njerëzve të lartë në politikë e në pushtet, që i kanë piketuar këto prona, për t’i bërë pronësi të tyre, ose më saktë, siç shprehet Kryeministri Berisha do të administrohen e më pas kuptohet, që do të blihen për “një copë bukë” prej “borgjezisë së re”, e cila përbëhet as nga anëtarët e sindikatës dhe as punëtorët shqiptarë, por nga grupe interesash ekonomike-financiare brenda pushtetit, të cilat nuk ka më asnjë dyshim, që kanë aq fuqi, sa të komandojnë edhe aktet vendimmarrëse të qeverisë e të shtetit”, nënvizoi Kalaja.
Bashkimi i Sindikatave të Pavarura Shqiptare bëri të ditur se do të mbledh ditën e hënë Këshillin Kombëtar, duke u pozicionuar ashpërsisht në mbrojtje të pronësisë së saj, “që vetëm 24 orë më parë u shpall prej kreut të qeverisë Sali Berisha, se është bërë objekt grabitjeje e jo menaxhimi, duke përdorur skemat mafioze të krijimit të gjoja shoqërive aksionere. Bashkimi i Sindikatave të Pavarura shqiptare, shprehet zoti Kalaja, do t’i kundërvihet këtij vendimi arbitrar e grabitqar të pushtetit, që synon shkatërrimin edhe ekonomikisht të lëvizjes sindikale, organizuar sistematikisht prej pushteteve politike në Shqipëri, ashtu siç është vepruar përgjatë këtyre 18 viteve”.