Kandidatet, Rama takim me Blushin per Qarkun e Korces
Partia Socialiste vijon takimet e nivelit te larte per hartimin e listave te kandidateve per deputete. Ato zhvillohen ne seline roze dhe jane te programuara ne baze te qarqeve. Kryetari socialist, Edi Rama, disa dite pasi ka perfunduar bisedimet me perfaqesues te PS ne qarkun e Lezhes dhe te Elbasanit, eshte takuar me perfaqesuesit e kesaj partie, ne Qarkun e Korces. Burime prane kesaj partie bejne te ditur se ne takimin e radhes per hartimin e listave per deputete, ishin te pranishem Ben Blushi, Arben Ahmetaj dhe Alfred Dalipi, por dhe drejtues vendore te partise. Gjate takimit eshte diskutuar per kryesuesit e listave dhe kandidatet sa me afer kryesuesit. Perllogaritja eshte bazuar ne votat e marra me vitin 2005, qe duke i konvertuar me sistemin e tanishem, mund te japin emrat e pare te sigurt per nje mandat ne Parlamentin e Shqiperise. Kryesuesit e listave, per 12 qarqet tashme jane te vendosura megjithese kryesocialisti nuk ka preferuar te jape detaje, per renditjen e kandidateve ne lista. Burime prane kesaj partie bejne te ditur se vetem ne Qarkun e Tiranes nuk ka ende nje kryesues, ndersa per 11 qarqet e tjera, vendet tashme jane parapercaktuar. Ne qytetin e Korces eshte Blushi, ne Vlore Malaj, ne Fier Ruci, ne Gjirokaster Dade, ne Durres Klosi, ne Elbasan Leskaj, ne Kukes Dogjani, ne Diber Abazi dhe ne Qarkun e Lezhes Nikolli dhe ne Shkoder, Hafizi. Kryesuesit e listave te PS jane perzgjedhur nga kreu i kesaj partie, ne baze te reputacionit qe kane dhe vlerave te tyre politike por dhe si anetare kryesie. Nga ana tjeter, kryesuesit e listave prej kohesh jane ne terren per te siguruar mbeshtetjen e elektoratit si edhe per te prezantuar programin e ri qeverises te Partise Socialiste. Nje tjeter ceshtje e diskutuar ne takimin e organizuar nga kreu socialist, ishte dhe vendosja e prurjeve te reja, por pa specifikuar renditjen e tyre. Me Kodin e ri Zgjedhor, ne listat e kandidateve per deputet te cdo partie ne cdo qark, 30% e listes emerore duhet te jete e perbere nga grate. Kriteret ne te cilat do te zbatohen zgjedhjet e kandidateve per PS, do te bazohen ne ndertimin e profilit elektoral te cdo qarku, percaktimit te kritereve dhe metodikes se perzgjedhjes te "rezervuarit te kandidateve", rregullave per testimin/seleksionimin e kandidaturave dhe hapave vendimmarres. Ndersa pritet qe pas konsultimeve te mblidhet kryesia per te percaktuar nje date per mbledhjen e Asamblese, qe do te votoje listen per 140 kandidatet.