Kapen hajdutët ordinerë

17/02/2005  Bien në prangat e policisë kryeqytetase 3 hajdutë ordinerë. Burime zyrtare nga drejtoria e policisë së qarkut shprehen se efektivat e komisariatit nr 2 vunë në pranga mbrëmjen e së martës Florian Çelën. 37-vjeçari ka vjedhur me dhunë telefonin celular të një shtetaseje. Vjedhësi nuk ka precedent të mëparshëm penal. Vepra e konsumuar nga ai parashikohet nga neni 139 i kodit penal. Po nga uniformat e kësaj strukture të rendit ëhstë vënë në pranga një 17-vjeçar. R.K, me banim tek pallatet Haëai ka vjedhur bagazhin e makinës së një fqinji të tij. Edhe adoleshenti nuk ka precedent të mëparshëm penal. Ndërsa M.SH, vetëm 16 vjeçe ka grabitur celularin dhe një sasi bizhuterish nga shtëpia e një shtetaseje. Ngjarja në fjalë ka ndodhur në datën 14 shkurt. Materialet në ngarkim të hajdutëve ordinerë iu kaluan për hetime të mëtejshme organit të akuzës.