“Karnavalet e Korçës” çelin sezonin

05/06/2009  Karnavalet janë një traditë që lidhen me emrin e qytetit të Korçës. Edhe këtë vit ato do të veshin qytetin juglindor me ngjyrat e tyre. Është menduar që të jetë 6 qershori nata e karnavaleve dhe në të njëjtën kohë kjo festë të shënojë çeljen e sezonit turistik për Korçën. Trupa vendase dhe të huaja do të parakalojnë në sheshin para katedrales, ndërkohë që muzika, maskat dhe atmosfera festive do të ndihet në të gjithë qytetin.