Kartat, Beja mesazh studentëve: Aplikoni!
Ministri i Arsimit dhe Shkencës, Fatos Beja, u drejtoi dje një mesazh të gjithë studentëve të Shqipërisë për të aplikuar për kartat e identitetit, një dokument i konsideruar si garanci për zgjedhje të ndershme në 28 qershor, por edhe për lëvizjen e lirë të shqiptarëve në vendet e BE-së. Beja i ftoi studentët që së bashku me shoqatat e tyre dhe profesorët të punojnë që "deri në datën 1 maj të gjithë ata të rinj që nuk disponojnë pasaportë të kenë aplikuar për kartë identiteti. Sipas tij, çmimi prej 200 lekësh që vendosi qeveria për të gjithë këtë kategori, e cila aplikon për ID deri më 1 maj, e lehtëson shpejtësinë e veprimit.
"Me këtë akt qytetar, ne hapim edhe një portë tjetër drejt integrimit në Bashkimin Evropian, misionarë elitarë të të cilit janë studentët", vijoi mesazhi i ministrit. Në vlerësimin e ministrit të Arsimit, "aplikimi për kartat e identitetit do të ishte mesazhi i qytetarit të emancipuar që e do shoqërinë të vendosur fort në dokument, ligj e rregull". Duke iu drejtuar studentëve të gjithë universiteteve në vend, ai cilëson se "me anëtarësimin në NATO dhe aspiratën për të hyrë në BE, ju jeni brezi i shqiptarëve që do të jeni qytetarë komunitarë dhe do të mishëroni identitetin tonë shqiptar në familjen evropiane".
"Me këtë akt qytetar, ne hapim edhe një portë tjetër drejt integrimit në Bashkimin Evropian, misionarë elitarë të të cilit janë studentët", vijoi mesazhi i ministrit. Në vlerësimin e ministrit të Arsimit, "aplikimi për kartat e identitetit do të ishte mesazhi i qytetarit të emancipuar që e do shoqërinë të vendosur fort në dokument, ligj e rregull". Duke iu drejtuar studentëve të gjithë universiteteve në vend, ai cilëson se "me anëtarësimin në NATO dhe aspiratën për të hyrë në BE, ju jeni brezi i shqiptarëve që do të jeni qytetarë komunitarë dhe do të mishëroni identitetin tonë shqiptar në familjen evropiane".