Kërkojnë një Skënderbe nga Snyder

Një peticion po qarkullon këtyre ditëve në internet. Bëhet fjalë për një kërkesë të drejtuar regjisorit dhe producentit amerikan, Zack Snyder, për të bërë një film për Gjergj Kastriot Skënderbeun. Qëllimi i web-faqes:

http://www.thepetitionsite.com/1/skenderbeg-the-movie/ është mbledhja e 10,000 nënshkrimeve si kërkesë për Snyder, që njihet për filmin e tij “300”.

Deri më tani ky peticion është nënshkruar nga mbi dymijë shqiptarë nëpër botë.

Filmi i vetëm artistik për Skënderbeun mbetet ai që në vitin 1953 u realizua në bashkëpunim me rusët, i regjisorit Sergei Jutkevic. Rolin e Skënderbeut në këtë film e luan aktori ukrainas, Akaki Khorava, kurse atë të Donikës, Besa Imami.

Ky film ishte shfaqur në vitin 1953 edhe në Amerikë, me titullin "Great Warrior Scanderbeg" (Luftëtari i Madh Skënderbe). Filmi u xhirua në Shqipëri dhe në Rusi, dhe është i gjatë 90 minuta.

Ndryshe, në Shqipëria aktualisht po xhirohet dokumentari i parë për Skënderbeun/ Dokumentari, në regji të Vladimir Priftit, pritet të shfaqet në 100-vjetorin e Pavarësisë së Shqipërisë.