Kim Hyun Hee, nje roman per rekrutimin ne diktature
09/01/2005
Rrëfenja me lot pas diktaturës
Ka njerëz që shkaktojnë lot dhe mandej derdhin edhe më shumë për vete. Kjo ka ndodhur me romanin e shkrimtares nga Korea e Veriut, Kim Hyun Hee, me botimin e “Lotët e shpirtit tim”, e përkthyer në shqip prej Lefteri Hitos, botuar nga “Lilo”. Personazhja që vetërrëfehet në këtë libër tronditës, është njëherazi personazh dhe autore, fajtore dhe viktimë. Redaktori i botimit, Adriatik Kallulli, shkruan si orientim për lexuesit se, duke parë këtë roman secili do të ndjejë menjëherë se sa të ngashme janë të gjithë sistemet totalitare, se si e zgavarrojnë ato personalitetin e individit kudo, se si e përpunojnë botëkuptimin dhe ndërgjegjen e tij, që ai kurdoherë të mendojë se i shërben me devocion popullit, përparimit, kombit. Kjo është dhe jeta e autores Kim Hyn Hee, e cila në moshën 19-vjeçare u rekrutua nga shërbimi i fshehtë i Koresë së Veriut. Mbas një arsimimi të gjatë si spiune në një shkollë spiunazhi, ajo kryen detyrën e parë; hedh në erë një avion me 115 pasagjerë. Vitet në kampin e formimit qenë të mbushura me një stërvitje çnjerëzore dhe me ngulitje të vazhdueshme të indoktrinimit ideologjik. Historia e saj, një histori agjenure, jep një vështrim mbrapa, brenda skenave të një regjimi totalitar, që e manipulon njeriun dhe e kthen në një vegël të verbër të qëllimeve të tij.
Rrëfenja me lot pas diktaturës
Ka njerëz që shkaktojnë lot dhe mandej derdhin edhe më shumë për vete. Kjo ka ndodhur me romanin e shkrimtares nga Korea e Veriut, Kim Hyun Hee, me botimin e “Lotët e shpirtit tim”, e përkthyer në shqip prej Lefteri Hitos, botuar nga “Lilo”. Personazhja që vetërrëfehet në këtë libër tronditës, është njëherazi personazh dhe autore, fajtore dhe viktimë. Redaktori i botimit, Adriatik Kallulli, shkruan si orientim për lexuesit se, duke parë këtë roman secili do të ndjejë menjëherë se sa të ngashme janë të gjithë sistemet totalitare, se si e zgavarrojnë ato personalitetin e individit kudo, se si e përpunojnë botëkuptimin dhe ndërgjegjen e tij, që ai kurdoherë të mendojë se i shërben me devocion popullit, përparimit, kombit. Kjo është dhe jeta e autores Kim Hyn Hee, e cila në moshën 19-vjeçare u rekrutua nga shërbimi i fshehtë i Koresë së Veriut. Mbas një arsimimi të gjatë si spiune në një shkollë spiunazhi, ajo kryen detyrën e parë; hedh në erë një avion me 115 pasagjerë. Vitet në kampin e formimit qenë të mbushura me një stërvitje çnjerëzore dhe me ngulitje të vazhdueshme të indoktrinimit ideologjik. Historia e saj, një histori agjenure, jep një vështrim mbrapa, brenda skenave të një regjimi totalitar, që e manipulon njeriun dhe e kthen në një vegël të verbër të qëllimeve të tij.