Kin Dushi rikthehet në Teatrin Kombëtar

Komedia "Banorët e shkallës Nr. 5" e Kin Dushit do të rivihet në skenën e teatrit pas një mungese të gjatë. Sonila Ulqinaku, pedagoge e fjalës artistike në Akademinë e Arteve, e ka nxjerrë veprën e Dushit nga arkivat e Teatrit Kombëtar dhe planifikon ta ringjisë në skenë në vjeshtë, gjatë ditëve të Festivalit të Teatrit për të Rinj. “Banorët e shkallës Nr .5", për herë të
parë u luajt më 1963-shin. Katër vjet më vonë, autori u dënua me 8 vjet burg në Burrel për arsye të veprave të tij. Në komedinë e Dushit, po ta interpretosh, bëhet fjalë për banorët e një shkalle pallati të survejuar dhe survejues. Të gjithë spiunojnë njëri-tjetrin, të gjithë vëzhgojnë njëri-tjetrin, të gjithë mohojnë nevojat e tyre për hir të asaj që tjetri mendon. Nisur nga kjo mënyrë e të konceptuari Ulqinaku ka vendosur ta aktualizojë veprën e Dushit duke u bazuar në romanin "1984" të George Orëell-it, një vepër e shkruar pas Luftës së Dytë, me shënjestër diktaturat. Kin Dushi u lind në Shirokë të Shkodërs, më 1922. Mori pjesë në Luftën e Dytë Botërore me partizanët. Ndër veprat e Dushit bëjnë pjesë romani "Në gojë të ujkut", "Udha e Velanit" dhe "Kronikë e vendit tim", pastaj "Banorët e shkallës Nr. 5" dhe romanin "Autobiografia". Vepra e fundit që do të shkruante para se të burgosej ishte "Një emër mes
yjeve". Më 1988-ën, Dushi do t’i rikthehet letërsisë deri në vitin1994, kur artisti do të ndahet nga jeta duke lënë përgjysmë veprën "Njeriu me proteza".

19 Gusht 2009