Kine shperthim ne miniere bllokohen minatoret

Dhjetëra minatorë kanë mbetur të bllokuar në një minierë qymyri në Kinë, pas një shpërthimi, thanë zyrtarët.

Katër minatorë janë raportuar të vdekur deri tani ndërsa më shumë se 50 janë të zhdukur pas aksidentit.

Ngjarja e rëndë raportohet të ketë ndodhur të enjten vonë në qytetin e Sanmenxia në provincën Henan.
Zyrtarët lokalë thanë se në kohën e shpërthimit rreth 75 minatorë ndodheshin ne galeritë e minierës duke punuar.

Media shtetërore njoftoi shpërthimi në minierë ndodhi pas pasi një tërmet i vogël i kishte lëkundur tokën.

Sipas të dhënave janë të paktën qindra minatorë kinezë te cilët çdo vit humbasin jetën në aksidente të ngjashme.

Industria e nxjerrjes së mineraleve është një nga më të rrezikshmet në botë, dhe është e njohur standardet e shkujdesur të sigurisë.
Më parë gjatë javës një shpërthim gazi në një minierë në provincën fqinje me Hunan la të vdekur të paktën 29 persona.