Klasifikimi i bizneseve, me dy standarde
Bizneset në vend do të jenë të detyruara të punojnë me dy standarde të ndryshme, duke nisur që nga 1 janari 2009. E thënë me fjalë të tjera, aktiviteti i subjekteve private do t‘i referohet ligjit të procedurave tatimore, për sa i takon ndarjes së xhiros vjetore, në bazë të të cilit identifikohet lloji i biznesit, pra i vogël, i mesëm apo i madh (VIP). Standardi tjetër lidhet me ligjin e ri të miratuar së fundmi nga Komisioni i Ekonomisë "Për ndërmarrjet e vogla dhe të mesme", i ndryshuar sipas direktivave të Bashkimit Evropian. E reja në ligjin për SME-të lidhet me ndihmat që mund të akordojë BE-ja në drejtim të zhvillimit të ndërmarrjeve të vogla dhe të mesme. Por nëse në ligjin për procedurat tatimore, një ndërmarrje e vogël identifikohet me xhiron vjetore 8 milionë lekë, në ligjin për SME-të, i miratuar dje në Kuvend, xhiroja vjetore duhet të jetë të paktën 10 milionë lekë. Mospërputhja e kufirit të xhiros vjetore ka shërbyer si shkak për debat mes deputetëve në Komisionin e Ekonomisë, ndërsa përfaqësuesja e Ministrisë së Ekonomisë është përpjekur të sqarojë se ligji i sjellë nga METE i përshtatet direktivës së BE-së, por jo detyrimisht duhet marrë në konsideratë. "Bashkimi Evropian miratoi në tetor të këtij viti një program financiar që mundëson zhvillimin e SME-ve. Për të përfituar nga ky program, nevojitej ndarja e ndërmarrjeve sipas modelit të BE-së. Ne nuk kishim një ndarje të saktë dhe u detyruam që ta rishikonim modelin, duke ndryshuar klasifikimin në ndërmarrje të vogla, të mesme dhe mikrondërmarrje. Ky ligj, nuk dublon juridiksionin e procedurave tatimore, por na jep mundësinë që të përfitojmë nga fondet e BE-së", tha para komisionit, përfaqësuesja e ministrisë. Rritja e kufirit nga 8 në 10 milionë lekë në vit riktheu debatin e rishikimit të xhiros vjetore për bizneset e vogla. "Kur BE-ja përcakton një kufi prej 10 milionësh, pse nuk duhet ta bëjmë realisht një gjë të tillë për bizneset tona. Pse duhet që për ligjet e BE-së të përdorim një kufi të ndryshëm nga ai që aplikon sistemi tatimor në vend", u shpreh ish-ministrja socialiste e Ekonomisë, Ermelinda Meksi. Pavarësisht debateve, komisioni miratoi me shumicë votash projektligjin e qeverisë për SME-të.
Klasifikimi
Ndërmarrjet, në kuptim të këtij ligji, klasifikohen në: mikrondërmarrje, ndërmarrje të vogla dhe ndërmarrje të mesme. Kategoria e mikrondërmarrjeve dhe ndërmarrjeve të vogla e të mesme (NVM) përfshin ato ndërmarrje ku punësohen më pak se 250 veta dhe që realizojnë një shifër afarizmi dhe/ose një bilanc total vjetor jo më të madh se 250 milionë lekë. Ndërmarrje e vogël quhet një ndërmarrje ku punësohen më pak se 50 persona dhe që ka një shifër afarizmi dhe/ose bilanc total vjetor jo më të madh se 50 milionë lekë. Mikrondërmarrje quhet një ndërmarrje ku punësohen më pak se 10 persona, e cila ka një shifër afarizmi dhe/ose bilanc total vjetor jo më të madh se 10 milionë lekë. Një ndërmarrje nuk mund të vlerësohet si ndërmarrje e vogël apo e mesme nëse 25% ose më shumë e kapitalit apo e të drejtave të votës kontrollohen, në mënyrë të drejtpërdrejtë apo të tërthortë, bashkërisht a individualisht, nga një ose më shumë organe publike. Po ashtu, ndërmarrjet mund të deklarojnë statusin e tyre, si ndërmarrje autonome, ndërmarrje partnere ose ndërmarrje e lidhur, përfshirë të dhënat, që lidhen me tavanet e përcaktuara në nenin 4 të ligjit.
Statusi
Kur në datën e mbylljes së llogarive ndërmarrja zbulon se në bazë vjetore ka tejkaluar ose ka rënë poshtë numrit të të punësuarve apo tavanit financiar, të përcaktuara në ligjin e ri, ajo nuk e përfton ose e humb statusin e ndërmarrjes së vogël, ndërmarrjes së mesme apo të mikrondërmarrjes, me përjashtim të rastit kur këto tavane tejkalohen për dy periudha llogaritjeje, të njëpasnjëshme.
Klasifikimi
Ndërmarrjet, në kuptim të këtij ligji, klasifikohen në: mikrondërmarrje, ndërmarrje të vogla dhe ndërmarrje të mesme. Kategoria e mikrondërmarrjeve dhe ndërmarrjeve të vogla e të mesme (NVM) përfshin ato ndërmarrje ku punësohen më pak se 250 veta dhe që realizojnë një shifër afarizmi dhe/ose një bilanc total vjetor jo më të madh se 250 milionë lekë. Ndërmarrje e vogël quhet një ndërmarrje ku punësohen më pak se 50 persona dhe që ka një shifër afarizmi dhe/ose bilanc total vjetor jo më të madh se 50 milionë lekë. Mikrondërmarrje quhet një ndërmarrje ku punësohen më pak se 10 persona, e cila ka një shifër afarizmi dhe/ose bilanc total vjetor jo më të madh se 10 milionë lekë. Një ndërmarrje nuk mund të vlerësohet si ndërmarrje e vogël apo e mesme nëse 25% ose më shumë e kapitalit apo e të drejtave të votës kontrollohen, në mënyrë të drejtpërdrejtë apo të tërthortë, bashkërisht a individualisht, nga një ose më shumë organe publike. Po ashtu, ndërmarrjet mund të deklarojnë statusin e tyre, si ndërmarrje autonome, ndërmarrje partnere ose ndërmarrje e lidhur, përfshirë të dhënat, që lidhen me tavanet e përcaktuara në nenin 4 të ligjit.
Statusi
Kur në datën e mbylljes së llogarive ndërmarrja zbulon se në bazë vjetore ka tejkaluar ose ka rënë poshtë numrit të të punësuarve apo tavanit financiar, të përcaktuara në ligjin e ri, ajo nuk e përfton ose e humb statusin e ndërmarrjes së vogël, ndërmarrjes së mesme apo të mikrondërmarrjes, me përjashtim të rastit kur këto tavane tejkalohen për dy periudha llogaritjeje, të njëpasnjëshme.