Klinsman: “Jam i uritur për punë”

Jurgen Klinsman tha se është i gatshëm për një sfidë të re si trajner, pas pushimit njëvjecar kur gjermani dha dorëheqjen nga Kombëtarja e vendit të tij pas përfundimit të Kampionatit Botëror të Futbollit, ku Gjermania e drejtuar nga ish-sulmuesi i Bajernit të Munihut zuri vendin e tretë. Tani ai ndien se është koha e duhur për t'iu rikthyer lojës së bukur. "Unë jam gati për sfidën time të re", - tha ish-sulmuesi i Totenhemit. "Unë jam i paduruar për të shkuar në fushën e futbollit. Kështu, nëse mundësia e duhur do të më jepet për të punuar me njerëzit e duhur, në drejtimin e duhur dhe me qëllimet e duhura, unë do të rikthehem". Shumë spekuluan se ai do të pranonte punën si trajner i Totenhemit, kur ai aktual Martin Jol është nën presion të madh. Klisman, i cili shënoi 232 gola gjatë karrierës së tij si futbollist profesionist me klubet, është golashënuesi i dytë më i mirë me Kombëtaren gjermane, ku shënoi 47 gola në 108 ndeshje. Përvec Totenhemit, shkruan goal.com, edhe Interi mund të interesohet për shërbimet e tij, por nga ana tjetër duhet kujtuar se ai nuk ka drejtuar kurrë një klub futbolli edhe pse drejtoi Kombëtaren gjermane duke vendosur një emër të mirë.