Klinton-Bush, takimi më i parehatshëm i Bushit

Gjatë takimit të parë në Shtëpinë e Bardhë, mes
Presidentit në detyrë, Klinton dhe atij të zgjedhur,
Bush, ky i fundit ndihej shumë jo rehat dhe si i hutuar.
Arsyet e një përjetimi dhe qëndrimi të tillë kurrë nuk u
shpjeguan plotësisht. Në fund të fundit, Bush nuk ishte
i huaj në atë vend, ku i ati kishte banuar 8 vjet të
shkuara. Disa e shpjeguan mosrehatinë e tij me
mënyrën se si kishte fituar zgjedhjet me problemin e
Floridës, të tjerë me deklaratat që ai kishte bërë gjatë
fushatës se kishte ndërmend që ta pastronte Zyrën
Ovale nga era e skandalit seksual të Presidentit me
Monika Levinskin. Të gjitha këto e bënë atmosferën e
takimit të parë në Shtëpinë e Bardhë të tensionuar
dhe aspak të këndshme, madje i gjithë procesi i
tranzicionit pati një shije të keqe.