Klinton: Në këmbim të postit për gruan, do të lë bizneset e mia

Ish-presidenti amerikan, Klin
ton, ka ofruar rishikimin e bizneseve
dhe aktivitetit të tij të
bamirësisë në këmbim të vendosjes
së të shoqes në postin e
sekretares amerikane të Shtetit
të administratës së Obamës.
Ish-presidenti po punon në
lidhje me një deklaratë, përmes
së cilës do të kërkojë të dijë nëse
pozicioni i tij mund të përbëjë,
sipas ekspertëve të adminis-
tratës, një konflikt interesash,
nëse e shoqja do të jetë nëm
postin e sekretares së Shtetit.
Sipas burimeve demokrate,
Klinton po bën gjithçka që e
shoqja të zërë postin e rëndësishëm
dhe është i gatshëm të
rishohë të gjitha veprimtaritë
me të cilat merret. Vetë Obama
ka takuar senatoren Klinton
disa ditë më parë për të diskutuar
pozicionin e sekretares së
Shtetit, por ende nuk dihet
ndonjë përfundim nga ai takim.
Hilari, e cila u mund nga Obama
gjatë kandidimit brenda Partisë
Demokrate, me sa duket, e synon
postin dhe për këtë edhe i
shoqi është i gatshëm të bëjë
sakrifica. Por, për këtë, ish-presidenti
duhet të shmangë çdo lloj
konflikti interesash mes veprimtarisë
së tij dhe postit të mundshëm
të së shoqes. Që ku ka lënë
Shtëpinë e Bardhë, ai ka bërë
një pasuri të madhe, rreth 100
milionë dollarë, nga botimi i librave
apo edhe leksionet e shtrenjta
që jep nëpër universitetet
dhe fondacione të ndryshme.
Nga ana tjetër, ai kryen
edhe veprimtari bamirësie së
bashku me disa filantropë të
tjerë. Megjithatë, mbetet për t‘u
parë nëse Obama do t‘ia bëjë
ofertën Hilarisë.