Klosi: Kartat e identitetit, monitorim nga OSBE

Partia Socialiste rikonfirmoi dhe njehere tjeter shqetesimin e saj per menyren se si po zhvillohet procedura e perzgjedhjes se fituesit ne tenderin per Kartat e Identitetit dhe Pasaportat biometrike. Sekretari Organizativ prane kesaj partie, Blendi Klosi, gjate nje komunikimi me mediat, beri me dije se "informacione nga burime tona te rezervuara brenda dhe jashte vendit, paraqesin nje situate alarmante dhe tregojne se eshte bere gati fituesi dhe se kjo procedure eshte vetem teater". Sipas tij, teater kane qene dhe deklaratat publike te herepashershme te qeveritareve me te larte ne dy vitet e fundit per realizimin e ketij sistemi, duke filluar nga ftesa per kompanine amerikane Smart Card INC e deri tek angazhimi i keshilltarit te huaj te Kryeministrit. Per kete arsye, Klosi i kerkoi qeverise ta beje procesin sa me transparent dhe te vijoje vleresimi me nje trup te pavarur, ku asnje person te mos jete perfshire ne asnje hallke te meparshme te ketij procesi. "Duke qene se Kartat e Identitetit dhe Regjistri Elektronik i shtetasve jane nje nga kushtet baze per nje proces zgjedhor korrekt e te pranueshem, i kerkojme prezences se OSBE te monitoroje nga afer kete proces tejet delikat, i cili mund te minoje konsensusin e te hedhe ne ere zgjedhjet e ardhshme", vleresoi Klosi, lidhur me kete ceshtje.