Kolumbi-Venezuelë rivendosin marrëdhëniet
Kolumbia dhe Venezuela kanë rivendosur të mërkurën marrëdhëniet diplomatike. Presidenti kolumbian, Huan Manuel Santos, pas takimit me homologun e tij nga Venezuela, Hugo çavez, e bëri publik lajmin e pajtimit mes vendeve. çavez kishte urdhëruar ngrirjen e marrëdhënieve një vit më parë, pasi Bogota lejoi ushtrinë amerikane që të përdorë shtatë baza të ushtrisë kolumbiane. çavez i ndërpreu marrëdhëniet më 22 korrik, atëherë kur paraardhësi i Santos, Alvaro Uribe, akuzoi Venezuelën në Organizatën e Shteteve Amerikane se po strehon 1500 guerilë kolumbianë.