Komisioni PD-PS, LSI kerkon perfshirjen

Levizja Socialiste per Integrim kerkon te marre pjese ne Komisionin Hetimor per zgjedhjet e 28 Qershorit 2009. Kerkesa e LSI vjen Ndersa PS dhe PD e kane percaktuar menyren sesi do te jete perberja e Komisionit Hetimor madje dhe numrin e anetareve, por aleatja e PD siguron se nuk do te lere pa kerkuar pranine e saj, duke propozuar te jete ne rolin e sekretariatit teknik. Ne nje bisede dje me “Koha Jone”, Sekretari i Komisionit per Reformen Zgjedhore dhe Ceshtjet Ligjore ne Levizjen Socialiste per Integrim, Spartak Braho u shpreh se perfaqesimi ne nivel ekspertesh krijon mundesine per ndjekjen e procesit dhe per hartimin e amendimeve qe duhen ne Kodin Zgjedhor. Ndonese nuk eshte shume optimist per ngritjen dhe funksionimin e ketij komisioni, i tejzgjatur ne kohe duke kapur afro dy vjet tashme, Braho pohon se e konsideron te rendesishme, perfshirjen e Levizjes Socialiste per Integrim ne komisionin hetimor per zgjedhjet e kaluara parlamentare. “Ne kete Komision Hetimor, Levizja Socialiste per Integrim do te kerkoje te perfaqesohet ne nivelin e sekretariatit teknik”, - tha dje Braho. Duke bere nje krahasim te gjithe qendrimeve qe ka mbajtur Partia Socialiste per hetimin e zgjedhjeve qe nga viti i kaluar, Braho shprehet se opozita nuk kerkon hetimin e zgjedhjeve. Ai theksoi se ceshtja e hetimit eshte perdorur me shume nga opozita per qellime politike. “Une mund te them se Levizja Socialiste per Integrim, eshte duke pritur qe te kete nje komisioni hetimor. Por duke pare qendrimin e opozites, me rezulton se nje gje e tille nuk kerkohet nga PS-ja, por me shume eshte perdorur per motive politike dhe per te mbajtur ndezur debatin”,-tha dje Braho.
Sipas marreveshjes paraprake mes dy kampeve, PS-ja do te kete shumicen ne Komisionin Hetimor dhe kryetarin e tij. Nderkohe qe dy kampet kryesore kane dorezuar dhe emrat qe do te jene anetare te Komisionit Hetimor, nese ai do te ngrihet. Partia Socialiste ka propozuar emrat e shtate anetareve. Kryetari i komisionit pritet te jete Fatmir Xhafaj, ndersa anetaret e tij do te jene deputetet, Sajmir Tahiri, Ermonela Felaj, Damian Gjiknuri, Armando Subashi, Asllan Dogjani dhe Ilir Beqja. Edhe mazhoranca ka bere gati listen e saj te emrave, qe do te jene deputetet Ilir Rusmali, Edi Paloka, Aldo Bumci, Enkeled Alibeaj, Arenca Trashani dhe Viktor Gumi. Nderkohe qe pika e vetme qe mban pezull vendimin final eshte kerkesa e Partise Socialiste, e cila pretendon se materialet zgjedhore duhet te merren ne Komisionin Qendror te Zgjedhjeve. Mazhoranca kerkon zbatimin e Kodit Zgjedhor, qe do te thote vendosjen ne dispozicion te materialeve zgjedhore per komisionin nga Arkivi i Shtetit, pasi t’i kete depozituar ne kete institucion KQZ-ja.
Nga ana tjeter, Braho ne biseden me “Koha Jone”, vlereson se e vetmja marreveshje qe mund te behet mes Partise Demokratike dhe Partise Socialiste per hetimin e zgjedhjeve, eshte zbatimi i ligjit. Sekretar i Komisionit per Reformen Zgjedhore dhe Ceshtjet Ligjore ne Levizjen Socialiste per Integrim, Spartak Braho, duke folur per negociatat mes dy kampeve per hetimin e zgjedhjeve shprehet se PS-ja duhet te pranoje zbatimin e ligjit. Sipas tij, materialet zgjedhore mund te merren vetem ne Arkivin e Shtetit, pasi te jene djegur me pare fletet e votimit. Braho e cileson te pabazuar ne ligj, propozimin e PS-se, per marrjen e materialeve zgjedhore ne Komisionin Qendror te Zgjedhjeve. “Une jam i mendimit, qe Komisioni Qendror i Zgjedhjeve duhet t’i dorezoje materialet zgjedhore ne Arkiv. Pra duhet qe te zbatohet neni 178 i Kodit Zgjedhor, qe flet qarte per kete procedure dhe menyren se si operohet”. Ketu Braho nenvizon se nuk ka vend per shume diskutime dhe kujton faktin se po sipas ketij ligji, fletet e votimit digjen.