Komisioni i Reformës miraton kodin me 93 vota

 

Komisioni i Reformës Zgjedhore miraton me 93 vota pro Kodin e ri Zgjedhor dhe ia përcjell atë parlamentit. Në fakt ka të bëjë me një lapsus në hartimin e raportit përfundimtar të komisionit të posaçëm të Reformës Zgjedhore të firmosur nga dy bashkëkryetarët Ilir Rusmali dhe Fatmir Xhafa. "Komisioni i posaçëm parlamentar për Kodin Zgjedhor, i ngritur me vendimin e Kuvendit nr.192, datë 30.06.2008, të ndryshuar, me 93 vota pro, në mbledhjen e tij të datës 13 nëntor 2008, miratoi projektligjin 'Kodi Zgjedhor i Republikës së Shqipërisë'", thuhet në raportin përfundimtar. Komisioni i posaçëm parlamentar për Kodin Zgjedhor është i përbërë nga vetëm tetë deputetë të së gjitha forcave politike, të cilët janë Ilir Rusmali, Fatmir Xhafa, Spartak Braho, Engjëll Bejtja, Spiro Peçi, Arjan Madhi, Tritan Shehu dhe Ndue Shpani.