Komisioni për Veprimtaritë Prodhuese, Tregtinë dhe Mjedisin diskuton për Bordin e Komisionerëve të ERE-s

Komisioni për Veprimtaritë Prodhuese, Tregtinë dhe Mjedisin, në mbledhjen e datës 28 janar 2009, shqyrtoi  kërkesën   Për  riemërim  në  detyrën e  kryetarit të  Bordit të Komisionerëve të ERE-s  dhe  kërkesën Për plotësim  të vendit të paplotësuar                                   për anëtar të  Bordit të Komisionerëve të ERE-s. 
 Në mbledhje ishin të pranishëm kryetari aktual i  Bordit të Komisionerëve të ERE-s,  Bujar Nepravishta dhe inxhinieri Shkëlqim Bozgo.
Bazuar në Ligjin nr. 9072, dt. 22.5.2003 Për sektorin e energjisë elektrike të ndryshuar, zotit Bujar Nepravishta  kryetar i Bordit të Komisionerëve të ERE-s,  i mbaron mandati  më 30 janar 2009.
Ai  u shpreh se po rikandidon për këtë post,   bazuar në rezultatet e mira të  arritura gjatë mandatit të tij të parë,  të rikonfirmuara  edhe nga rezolutat  e Kuvendit  të Shqipërisë të  miratuara  nga seanca plenare, si dhe për të pasur   një vijueshmëri në plotësimin e detyrave që i cakton ligji.
Gjatë diskutimeve,  deputetët e vlerësuan punën e zotit Nepravishta dhe  u shprehën dakord me miratimin e kësaj kantidature  me shumicë votash. Deputeti Ndriçim Hysa votoi kundër dhe shprehu mendimin se në Komision duhet të kishte ardhur dhe një tjetër kantidaturë alternative.
Gjatë diskutimeve për kantidaturën e dytë,  deputetët u shprehën dakord dhe e miratuan me shumicë votash. Deputeti Ndriçim Hysa votoi kundër.

(Për më shumë informacion kontaktoni me zyrën e komisionit në numrin: + 355 4 22 78 293).