Komisioni për Veprimtaritë Prodhuese, Tregtinë dhe Mjedisin shqyrton Kodin ajror të Republikës së Shqipërisë.

Komisioni për Veprimtaritë Prodhuese, Tregtinë dhe Mjedisin, në mbledhjen e datës 27.10.2008, vazhdoi shqyrtimin e projektligjit:     Kodi ajror i Republikës së Shqipërisë.
Ishin të pranishëm në mbledhje përfaqësuesit e Ministrisë së  Punëve Publike, Transporteve dhe Telekomunikacioneve,  Ervin Mazniku, Lilika Radovicka dhe Edlira Liçi.
Fillimisht, Komisioni dëgjoi një paraqitje të shkurtër të projektligjit nga relatori i Komisionit për këtë projektligj, deputeti  Ardian Kollozi. Më pas, u votua projektligji  në parim. Pas miratimit në parim të projektligjit, u vijua me  shqyrtimin nen për nen të tij. Gjatë  shqyrtimit, u  bënë disa redaktime për nene të veçanta.
Shqyrtimi nen për nen i projektligjit, do të vijojë në mbledhjen e nesërme në orën 10 00.

(Për më shumë informacion kontaktoni me zyrën e komisionit në numrin: + 355 4 22 78 293).