Konfindustria: Cmimet e naftes abuzive

Konfindustria, perballe mos pasqyrimit ne tregun shqiptar, te renies se ndjeshme te cmimit te karburanteve ne tregjet nderkombetare, ka kerkuar marrjen e masave te menjehershme dhe afatgjata per rregullimin e gjendjes nga institucionet shteterore, bene te ditur per burime nga ky organizem ekonomik. Bazuar ne analizat krahasimore te cmimeve te tregjeve, cmimi i karburanteve ne Shqiperi eshte te pakten 25% me i larte, sesa duhet te ishte ne kushtet e funksionimit te nje tregu normal. Brenda nje periudhe pothuajse 3-mujore, cmimi i naftes bruto ne tregjet nderkombetare ka rene ne me shume se 100%, nderkohe qe vleresimi i dollarit amerikan ndaj lekut nuk e kalon shifren prej 25% gjate te njejtes periudhe, theksoi i njejti burim. "Cmimet e larta te karburanteve ne Shqiperi ndikojne drejtperdrejt ne rritjen zinxhir te kostove te se gjitha prodhimeve dhe sherbimeve vendore ne krahasim me prodhimet dhe sherbimet e huaja, duke ulur me tej aftesine konkurruese te industrive shqiptare. Gjithashtu, cmimet e paarsyeshme te larta te karburanteve ndikojne negativisht ne prodhimet bujqesore dhe ne mireqenien e gjithe qytetareve shqiptare", bene te ditur burime te Konfindustrias. Perballe kesaj situate, roli i institucioneve shteterore duhet te jete vendimtar per te zhdukur pasojat nga gjendja e mesiperme, ndaj Konfindustria kerkon ngritjen sa me shpejt te Entit Kombetar te Karburanteve, qe duhet te monitoroje ne vazhdimesi dhe te nderhyje per te rregulluar crregullimet subjektive te tregut te karburanteve.