Konfirmohet miqësorja, Kosovë – Bursaspor
Nga Express më 16 mars 2011 në ora 12:41
Ashtu siç kishte paralajmëruar Gazeta Express ditë më parë, përfaqësuesja e Kosovës do ta zhvillojë një ndeshje miqësore me kampionin e Turqisë, Bursaspor.
Zhvillimin e kësaj ndeshje e kanë konfirmuar drejtuesit e Federatës së Futbollit të Kosovës (FFK) dhe të klubit turk gjatë një konference të mbajtur sot në Prishtinë.
Përfaqësuesja e Kosovës dhe Bursaspor do të përballen me 27 mars. Takimi do të luhet në stadiumin e kryeqytetit derisa do të fillojë nga ora 15:00.