Konsumatorët blejnë kur ndihen mirë

Për të tërhequr sa më shumë klientë, një biznesi i duhet që më parë të ndërmarrë disa fushata marketingu, të cilat do të ndihmonin ta bënin klientin për vete dhe ta afronin atë sa më pranë produktit

Konsumatorët potencialë nuk do të blinin po të mos ndiheshin mirë rreth jush, kompanisë, produktit apo shërbimit tuaj. Më poshtë gjenden katër mënyra, nëpërmjet të cilave ju mund të stimuloni ndjenjat e pozitive të konsumatorëve që lidhen me pëlqimin e një ose disa produkteve dhe t’i motivoni ata për të blerë tek ju.

1. Personalizoni marketingun tuaj

Konsumatorët janë më tepër të predispozuar të blejnë tek ju, kur ata e ndiejnë se ju jeni duke folur personalisht me ta rreth nevojës së tyre unike. Shihni për mënyrat nëpërmjet së cilave mesazhi juaj bëhet më tepër specifik për nevojat e konsumatorit potencial. Për shembull, ju mund ta ndani tregun tuaj të synuar në disa tregje “niçe” të ngushta dhe të personalizuara. Më pas, specifikoni afrimin tuaj të shitjeve, kështu që ajo u drejtohet interesave specifike të çdo prospekti në secilin prej tregjeve niçe.

Ju mund të specifikoni apelin dhe tërheqjen e faqes suaj të internetit pa humbur efektivitetin e tij me tregun masiv, duke krijuar pikërisht faqe interneti për secilin treg niçe që ju synoni. Më pas shtoni linqe në faqen tuaj të secilës prej këtyre faqeve të specializuara.

2. Theksoni ndjesitë pozitive

Konsumatorët potencialë zakonisht i bazojnë vendimet e tyre të blerjeve mbi atë çfarë ata ndjejnë rreth produktit apo shërbimit tuaj. Krijoni mundësinë që produkti juaj t’i ngacmojë dhe ata nuk do të hezitojnë ta blejnë. Një mënyrë për ta bërë këtë gjë është konvertimi i përfitimeve të ardhura nga produkti apo shërbimi juaj në një pikturë të gjallë me fjalë. Vendoseni prospektin tuaj në pikturë, duke dramatizuar se çfarë ndjen ai nëse do të ishte duke shijuar këto përfitime. Për shembull: Nëse ju shisni produkte financiare, përshkruani çfarë ndjesie përjetoni kur shijoni një jetesë të begatë pa borxhe.

3. Përballoni skepticizmin e blerësve

Një konsumator potencial nuk do të blinte, nëse ata kanë ndonjë dyshim se ju do të shisni ekzaktësisht çfarë keni premtuar. Më poshtë janë tri prej shumë metodave, në mënyrë që ju të mund të përballoni dhe kapërceni skepticizmin në mendjen e konsumatorëve tuaj. Përdorni dëshmitarë. Ata vërtetojnë që ju tashmë keni shpërndarë kënaqësi te konsumatorët e tjerë. Për të qenë efektivë, ata mund të përshkruajnë një rezultat specifik, që konsumatori mund ta gjejë duke përdorur produktet apo shërbimet tuaja. Për shembull: “Vetëm për dy javë kam humbur 4 kg, ndihem shumë vite më i ri dhe ende vazhdoj të shijoj ushqimet e mia të preferuara”. Jepni specifikime. Shndërroheni paraqitjen e përgjithshme në përshkrime specifike. Në vend të “i shpejtë dhe i lehtë”, shpjegoni ekzaktësisht sa i shpejtë dhe sa i lehtë në përdorim është. Gjithashtu, pakësoni përdorimin e numrave të rrumbullakosur si “15 paundë”, duke përdorur numra të çfarëdoshëm si “13,7 euro”. Kjo tingëllon më tepër e vërtetë. Zbutini pretendimet tuaja! Një pretendim i theksuar më i madh krijon dyshime në mendjet e prospektit tuaj dhe vë në rrezik shitjet. Shmangni përdorimin e ndonjë pretendimi që tingëllon i ekzagjeruar, edhe sikur të jetë i vërtetë! Reduktoni pretendimet e spikatura për të arritur një paraqitje më të besueshme!

4. Eliminoni nevojën për të marrë një vendim

Përpiquni të strukturoni procesin tuaj të shitjeve, kështu që konsumatorët potencialë nuk duhet të gjenden para një situate për të marrë një vendim. Çdo vendim që ata kanë për të bërë e ndërpret procesin e blerjes, zhvendos vëmendjen e tyre larg aksionit për të përfunduar shitjen. Kjo mund të jetë kryesisht e rrezikshme kur konsumatorët kanë vështirësi në bërjen e një zgjedhjeje të pastër nëpërmjet opsioneve të personalizuara. Disa do të shmangin rrezikun e bërjes së një zgjedhjeje të gabuar, duke bërë një zgjedhje “JO”… Dhe ju do të humbni një shitje thuajse të sigurt. Kjo është arsyeja pse ju duhet të promovoni vetëm një produkt apo shërbim çdo herë që ju reklamoni. Ju mund të përdorni promocion të ndarë për secilin produkt apo shërbim, por kufizoheni vendimin e prospektit tuaj në vetëm: “Po, unë do e blej” ose “Jo, nuk do e blej”. Mos rrezikoni t’i humbni ata, duke i vendosur para marrjes së vendimeve “Cilin prej këtyre”?

Model

Herë pas here ju mund të kombinoni suksesshëm dy ose më tepër produkte apo shërbime plotësuese në një ofertë të kombinuar speciale, por që të kushtëzojë konsumatorin të thotë “Po” ose “Jo”. Mos përfshini alternativën për t’i blerë artikujt të ndarë.

BOX

Përdorni dëshmitarë! Ata vërtetojnë që ju tashmë keni shpërndarë kënaqësi te konsumatorët e tjerë. Për të qenë efektivë, ata mund të përshkruajnë një rezultat specifik që konsumatori mund ta gjejë duke përdorur produktet apo shërbimet tuaja. Për shembull: “Vetëm për dy javë kam humb 4 kg, ndihem shumë vite më i ri dhe ende vazhdoj të shijoj ushqimet e mia të preferuara”.

Jepni specifikime! Shndërroheni paraqitjen e përgjithshme në përshkrime specifike. Në vend të “i shpejtë dhe i lehtë”, shpjegoni ekzaktësisht sa i shpejtë dhe sa i lehtë në përdorim është. Gjithashtu pakësoni përdorimin e numrave të rrumbullakosur, si “15 paundë”, duke përdorur numra të çfarëdoshëm, si “13,7 euro”. Kjo tingëllon më tepër e vërtetë.

Zbutini pretendimet tuaja! Një pretendim i theksuar më i madh krijon dyshime në mendjet e prospektit tuaj dhe vë në rrezik shitjet. Shmangni përdorimin e ndonjë pretendimi që tingëllon i ekzagjeruar, edhe sikur të jetë i vërtetë! Reduktoni pretendimet e spikatura për të arritur një paraqitje më të besueshme!