Konvikti i Beratit, 3 muaj pa bukë

• Konviktorët e shkollës së mesme të Beratit, “Kristo Isak” prej 3 muajsh vuajnë mungesën e ushqimit.BERAT/ DILAVER XHELILIKy fakt, sipas drejtorisë së shkollës ka sjellë largimin nga mësimi të 100 nxënësve, në pamundësi për të siguruar bukën jashtë mensave të konviktit. Zgjidhja e problemit mësohet se ka ngecur në bashki, e cila prej 3 muajsh ka për detyrë të furnizojë me ushqime ambientet arsimore. Burime nga shkolla “Kristo Isak”, më e madhja në qark, pohojnë se në fillim të vitit shkollor kanë qenë të regjistruar 450 nxënës nga rrethe të ndryshme të vendit. Mungesa e fondit të furnizimit të shkollës me ushqime ka bërë që gjatë muajve të fundit të braktisin shkollën thuajse çereku i tyre, të cilët ishin të ardhur nga rrethe të tjera për në Berat. Ata nuk kanë pasur mundësi ekonomike që të ushqeheshin me të ardhurat e tyre përveç detyrimeve që kishin për shkollën. Kjo shkollë e mesme e përgjithshme ka shumë degë, atë të pedagogjikes, mekaniken, elektriken, ekonomiken etj., dhe për këtë arsye është e mbipopulluar, jo vetëm nga adoleshentë nga Berati, por dhe fshatrat e tij e qytete të tjera. Pavarësisht se konvikti i këtyre nxënësve është në parametra bashkëkohore, bukuria dhe pastërtia duket se nuk vlejnë para faktit të mungesës së ushqimit, duke shkaktuar dhe probleme në ndjekjen normale të mësimit. Drejtoresha e shkollës, Afize Skëndo, përballë kësaj situate ka cilësuar fajtore Bashkinë e Beratit. “Gjatë 3 muajve të fundit kemi hasur vështirësi të mëdha nga ana financiare, por problemi është i bashkisë, jo i yni. Ajo është treguar indiferente për zgjidhjen e situatës. Disa kohë më parë na u kërkua nga bashkia që të zhvillohej procedura e prokurimit publik për një periudhë 1-mujore në pritje të VKM-së për transferimin e konviktit në varësi të bashkisë sipas ligjit. Nga ana e bashkisë gjatë kësaj periudhe do të zhvillohej procedura e tenderit për ushqim, por bashkia nuk e vuri ujin në zjarr, por bëri të paditurin”, deklaron ajo. Sipas Skëndos, bashkia nuk ndjen asnjë përgjegjësi për furnizimin me ushqime të nxënësve konviktorë, ndërsa drejtoria e shkollës nuk ka kompetenca ligjore dhe fonde për ushqimin e nxënësve. Ndërkohë, drejtoresha pohon se i ka konsumuar të gjitha rrugët për sensibilizimin e institucioneve që mund të ndikojnë në zgjidhjen e këtij konflikti midis drejtorisë së shkollës dhe Bashkisë së Beratit. “I kemi dërguar tri letra zyrtare bashkisë ku kemi kërkuar që të na vinte në dijeni për ecurinë e zgjidhjes së problemit, por kërkesat tona zyrtare kanë rënë në vesh të shurdhët. Nuk e kuptojmë këtë veprim të bashkisë pse nuk zhvillon me shpejtësi procedurat e transferimit të konviktit nën administrimin e bashkisë dhe zhvillimin e procedurave të prokurimeve publike sa më shpejt që të mos e rëndojë më shumë gjendjen e krijuar për faj të tyre. Ne si drejtori i jemi drejtuar dhe ministrisë përkatëse për gjendjen e krijuar dhe me anë të një letre zyrtare kemi kërkuar që ministria të ndërhyjë pranë kësaj bashkie për të shpejtuar procedurat përkatëse për transferimin e konviktit”. Sot është afati i lënë për ndërhyrjen e bashkisë, pasi dhe fondet e pakta me të cilat është kapërcyer disi situata janë mbaruar.Në këtë shkollë vazhdojnë mësimet 800 nxënës, nga këta 350 janë të jashtëm të strehuar në konviktin e shkollës.100 nxenesmësohet se janë larguar nga shkolla e mesme “Kristo Isak” muajt e fundit, si pasojë e problemeve të furnizimit me ushqim në konvikte3 muajte fundit, sipas drejtoreshës së shkollës është vendosur që bashkia të administrojë konviktin, por deri tani nuk është vepruar konkretisht