Korçë, vdes nga i nxehti një i moshuar

 Viktima është Ramadan Mullai, 69-vjeç, i cili ka gjetur vdekjen teksa po korrte jonxhë.

Referuar burimeve nga shërbimet shëndetësore të zonës mësohet se trupi i pajetë 69-vjeçarit, u gjet në orët e para të mëngjesit të sotëm, në ngastrat e tokës përreth zonës, ndërsa vdekja e tij mendohet të ketë ardhur nga temperaturat e larta, nën të cilat fermeri korrte jonxhën.

Në këto ditë të nxehta të qershorit, temperaturat në qarkun juglindor kanë variuar nga 17 gradë Celcius, në orët e para të mëngjesit, deri në 34 gradë Celcius, në orët e mesditës./Start/

                                                                                             2012-06-21 17:54