Korce kandidatet bejne thirrje per pjesemarrje ne votime

"Në këtë ditë të shënuar dua të falenderoj të gjithë qytetarët korçarë për qytetarinë e treguar gjatë gjithë kësaj kohe. Dua t'i ftoj që të gjithë të shkojnë në votim. Korca ka nevojë për votën e të gjithëve. Dua t'ju uroj të gjithëve. Nesër do të jemi bashkë në bashkinë e re.

Është një proces normal, që po ecën shumë mirë. Ajo që vë re është që ka pjesëmarrje të lartë. I Inkurajoj qytetarët dhe u bëj thirrje të vijnë të votojnë për atë që mendojnë se do të jetë më e mira për qytetin e tyre"-tha kandidati i djathtë, Andrea Mano.

"Jam i bindur që qytetarët e Korçës do të dinë të tregojnë që janë qytetarë korrektë, që respektojnë ligjin dhe këtë proces duke i dhënë jo vetëm Korçës por Shqipërisë një model të një fushate jo vetëm korrekte, por edhe me një rezultat të një standartit europian.

Jam i binduir që qytetarët do të dinë të vlerësojnë dhe  të japin një votë në interes të qytetit"-tha kandidati i majtë, Niko Peleshi.